top of page
Search

Ақмола облысының мұғалімі үздік жас педагог атанды

Ақмола облысының мұғалімі үздік жас педагог атанды. ҚР Оқу-ағарту министрлігінің баспасөз қызметіне сілтеме жасап, «Современное образование» журналы хабарлайды.

«Жаңа мектепке – жаңашыл ұстаз» атты жас педагогтердің VI Республикалық байқауы аяқталды. Оған еліміздің барлық өңірінен 57 педагог қатысты. Олар байқаудың аудандық және облыстық турларының жүлдегерлері.


Соңғы кезеңнің қорытындысы бойынша бас жүлдені Ақмола облысының орыс тілі мен әдебиеті пәнінің мұғалімі Дәмелі Өмірзақова жеңіп алды.

Бірінші орынды Абай облысынан физика пәнінің мұғалімі Жасқайрат Наубетов, екінші орынды Алматы қаласынан биология пәнінің мұғалімі Ұлдана Жақсылықова, үшінші орынды Батыс Қазақстан облысынан Қазақстан тарихы пәнінің мұғалімі Дамир Кунашев алды.

«Байқаудың алғашқы кезеңәнде қатысушылар «Жаңа мектепке – жаңашыл мұғалім» тақырыбында эссе жазды. Олар өздерінің өмірлік, кәсіби және жеке ұстанымын, жетекші педагогикалық идеяларын ашып жазды. Байқауға қатысушылар үшін ең маңызды сәт танымайтын сыныпта сабақ өткізу болды. Конкурстық сабақтың тақырыбын қатысушы өзі таңдады. Байқаудың соңғы кезеңі «Шығармашылық жолдың басталуы» атты презентация.Байқауға қатысушылар өздері және мамандыққа деген көзқарасы туралы айтып берді. Айта кету керек, әрбір қатысушының кәсіби имиджін ашып айтуда, педагогикалық ұстанымын таныстыруда шығармашылық пен ізденіс бар», - деді «Балдәурен» республикалық оқу-сауықтыру орталығының директоры Сержан Алибаев.

Алматы, Абай, Қызылорда, Қарағанды, Батыс Қазақстан және Қостанай облыстарының педагогтері «Дарынды ұстаз», «Жігерлі ұстаз», «Шығармашыл ұстаз», «Табиғат білгірі» сияқты бірқатар номинацияларға ие болды.


Comments


bottom of page