Білім берудегі заманауи технологиялар: Жәңгір хан атындағы БҚАТУ оқытушыларына арналған біліктілікті арттыру курстары

С.Сейфуллин атындағы Қазақ агротехникалық зерттеу университетінің Үздіксіз және қосымша білім беру орталығы энергетика факультетінің «Электрмен жабдықтау» кафедрасымен бірлесе отырып, 2024 жылғы желтоқсанның 05 мен 20 -сы аралығында аралас форматта (онлайн/офлайн) Жәңгір хан атындағы Батыс Қазақстан аграрлық-техникалық университетінің оқытушылары үшін біліктілікті арттыру курстарын өткізуде.

Курс жетекшісі т.ғ.к. «Электрмен жабдықтау» кафедрасының меңгерушісі Б.А. Байниязов.

Курстық оқытуды тәжірибелі мамандар: техника ғылымдарының докторы, доцент Г.Г. Таткеева және PhD докторы Г.С. Нұрмағанбетова жүргізуде.

Курс тақырыптары:

·  «Энергетикадағы цифрлық трансформация (цифрландыру). Жаңа технологиялық шешімдер».

·  «Технологиялық процестер мен өндірістерді автоматтандыру. Өнеркәсіптік кәсіпорындарға арналған автоматтандырылған жүйелерді жобалау және құру».

Курстардың мақсаты: оқытушыларды білім беру үдерісі мен кәсіби қызметке заманауи технологиялар мен цифрлық шешімдерді енгізуге дайындау. Курстар автоматтандырылған жүйелерді жобалау және енгізу дағдыларын дамытуға, сондай-ақ энергетикадағы цифрлық трансформацияның озық тәсілдерін зерделеуге бағытталған.

Күтілетін нәтижелер:

·  Энергетикадағы цифрландырудың негізгі қағидаттарын игеру және оларды оқу бағдарламаларында қолдану.

·  Технологиялық процестерді автоматтандыру әдістерін игеру және оларды өнеркәсіптік кәсіпорындарға бейімдеу.

· Автоматтандырылған жүйелерді жобалау мен басқарудағы құзыреттерді дамыту.

Қатысушылар өз білімдерін тереңдетуге, тәжірибе алмасуға және цифрландыру мен автоматтандыру саласында біліктіліктерін арттыруға бірегей мүмкіндік алады.