Ы. Алтынсарин атындағы Ұлттық білім академиясының Адами капиталды дамыту және кәсіби бағдар беру орталығында жалпы білім беретін ұйымдарда кәсіби бағдар беру жұмысын ұйымдастыруға арналған кезеңдік нұсқаулықты әзірлеу мақсатында жұмыс тобының қызметі басталды, «Замануи білім беру» журналы Оқу-ағарту министрлігінің баспасөз қызметіне сілтеме жасай отырып хабарлайды. 

Нұсқаулық бастауыш сынып мұғалімдеріне, пән педагогтеріне, сынып жетекшілеріне және кәсіби бағдар беру мамандарына арналған. Онда іс-әрекеттің нақты алгоритмдері, сабақтардың үлгілік сценарийлері, ата-аналар мен әлеуметтік серіктестермен өзара іс-қимыл формалары, сондай-ақ кәсіби бағдар жұмысының нәтижесін бағалау және мониторинг жүргізудің бірыңғай талаптары қамтылады.

Жұмыс тобының құрамына педагогтер мен кәсіби бағдар беру саласының мамандары, Оқу-ағарту министрлігі, Ғылым және жоғары білім министрлігі, Еңбек және халықты әлеуметтік қорғау министрлігі, «Атамекен» Ұлттық кәсіпкерлер палатасы және Ұлттық білім академиясының ғылыми қызметкерлері кірді.

Бұл бастама мектеп оқушыларына арналған кәсіби бағдар берудің бірыңғай тәсілін қалыптастырып, олардың болашақ кәсібін анықтау жүйесін жетілдіруге бағытталған.

13 қазан 2025

Қазақстан жаһандық диалог орталығына айналуда: Инклюзивті білім беру жөніндегі Дүниежүзілік конгресс өтеді

12 қазан 2025

Министр азаматтық қоғам өкілдерімен кездесуде ашық диалогты қолдайтынын айтты

10 қазан 2025

Абайлық 13 жастағы оқушы қамшының 15 түрін өреді

10 қазан 2025

Балалардың қауіпсіздігі мен құқықтарының қорғалуы басты назарда болуы тиіс - Оқу-ағарту министрі Жұлдыз Сүлейменова

10 қазан 2025

Педагог-психологтар жыл сайын ондаған мың балаға қолдау көрсетіп келеді