«Металлургия» қос дипломды магистрлік бағдарламасы Д. Серікбаев атындағы ШҚТУ-да ашылды

ҚНҒТИ-ді бірегей ғылыми-білім беру платформасы (Д. Серікбаев атындағы ШҚТУ) ретінде құру Қазақстан мен басқа елдердің студенттеріне Қазақстан мен Германияда бір мезгілде оқу үшін магистранттарды қабылдауға бастамашы болған «Металлургия» қос дипломды магистрлік бағдарламасы бойынша оқуға мүмкіндік береді. Осы бағдарламаға түсу бір мезгілде Шығыс Қазақстан техникалық университетінде және Котбус-Зенфтенбергтегі Бранденбург техникалық университетінде (BTU Cottbus Senftenberg) оқудан өтуге мүмкіндік береді.

Магистратураның 7М0720 Металлургия білім беру бағдарламасы M117 Металлургиялық инженерия білім беру бағдарламаларының тобына жатады. Оқу мерзімі – 2 жыл. Оқудың бірінші жылы Д. Серікбаев атындағы ШҚТУ-да, екінші жылы Котбус-Зенфтенбергтегі Бранденбург техникалық университетінде өтеді. Шетелде оқу кезеңінде ұшуға және тұруға байланысты барлық шығыстар, егер жекелеген келісімде өзгеше көзделмесе, үміткердің өз қаражаты есебінен жүзеге асырылады. Оқыту Қазақстанда қазақ немесе орыс тілдерінде және Германияда неміс тілінде жүргізіледі.

ГРАНТТАР ЖӘНЕ ОҚУҒА ТҮСУШІЛЕРГЕ ҚОЙЫЛАТЫН ТАЛАПТАР

«Металлургия» білім беру бағдарламасына оқуға түсетін студенттер M117 Металлургиялық инженерия білім беру бағдарламалары тобы бойынша мемлекеттік білім беру грантын тағайындау конкурсына қатыса алады. Оқуға түсу үшін: металлургиялық процестер теориясы, жалпы металлургия бейіндік пәндері бойынша кешенді тестілеу түрінде өткізілетін түсу емтихандарын тапсыру қажет.

Бранденбург техникалық университетіне түсу үшін ШҚТУ студенті емтихан және оқыту ережелерінде анықталған неміс тілін білу бойынша талаптарға сай болуы және дәлелдер беруі керек (қазіргі уақытта: DSH 2 немесе баламасы). Ағымдағы DSH 2 сертификатының немесе баламасының болуы міндетті.

Мемлекеттік гранттарға іріктеуден өтпеген студенттер үшін шарттық негізде оқыту көзделген. 2025-2026 оқу жылына арналған оқу құнының прейскуранты https://www.ektu.kz/magistracy/price.aspx сайтында жарияланған.

Германияның ЖОО-сында оқу өтеусіз негізде, тұру, тамақтану, жол жүру –студенттің қаражаты есебінен жүзеге асырылады.

ҚҰЖАТТАРДЫ ТАПСЫРУ МЕРЗІМІ

Студенттердің ШҚТУ-ға оқудың бірінші курсына түсуіне өтініш беру мерзімі ағымдағы жылдың 28 тамызы, ал ШҚТУ-да екінші оқу жылы үшін (қысқы семестрде) тиісті жылдың 15 шілдесінен кешіктірмей. ШҚТУ магистратурасына түсу үшін құжаттарды қабылдау және кешенді тестілеуден өту күндерін Ұлттық тестілеу орталығының сайтынан да білуге болады.

ШЕТЕЛ АЗАМАТТАРЫНА АРНАЛҒАН АҚПАРАТ 

Шетел азаматтары университетке әңгімелесу нәтижелері бойынша ақылы негізде қабылданады, оны қабылдау комиссиясы күнтізбелік жыл ішінде өткізеді. Университетке қабылдау академиялық күнтізбеге сәйкес келесі академиялық кезең басталғанға дейін 5 (бес) күн бұрын жүзеге асырылады. Шет тіліндегі құжаттар нотариалды куәландырылған қазақ немесе орыс тіліндегі аудармасымен ұсынылады. Шетелдік білім беру ұйымдары берген білім туралы құжаттар ҚР заңнамасында белгіленген тәртіппен танылады немесе нострификацияланады.

ТҰРУ

ШҚТУ университет кампусында жатақхана ұсынады, құны айына 10 000 теңгеден басталады. BTU-дағы студенттік жатақханада тұру құны бөлменің түріне және қосымша ыңғайлылықтың болуына байланысты айына 165-тен 362 еуроға дейін өзгереді.

БАЙЛАНЫС ТЕЛЕФОНДАРЫ

Тел./факс: 8 (7232) 51-08-85

Тел.: 8 (7232) 50-51-37 (341)

WhatsApp: +7 707 285 5012

Email: 012ektu-prcom@mail.ru

Қабылдау комиссиясының блогы: www.ektu.kz/blogs/abiturient

Д. Серікбаев атындағы ШҚМТУ сайты: https://www.ektu.kz 

Мекенжайы: 070004, Қазақстан Республикасы, Шығыс Қазақстан облысы, Өскемен қаласы, Д. Серікбаев көшесі, 19.

Аудитория: Г-1-128