Ұлытау облысының техникалық және кәсіптік білім беру ұйымдарының арасында «WorldSkills Ulytau 2023» өңірлік кәсіптік шеберлік конкурсы өтті. Ұлытау облысының әкімдігі баспасөз қызметіне сілтеме жасап, «Современное образование» журналы хабарлайды.
Конкурсқа техникалық және кәсіптік білім беру ұйымдарының студенттері 21 құзыреттілік бойынша қатысты.
Студенттердің құзыреттілік бойынша жұмыстарын кәсіпорындар мен мекемелерден шақырылған бас сарапшылар, тәуелсіз сарапшылар қадағалап, өз деңгейлерінде бағалады. 6 алаңда басталған конкурс өз мәресіне жетті.
Конкурстың жабылуы Жезқазған бизнес және көлік колледжінде өтіп, жеңімпаздар, сарапшылар мен алаң менеджерлері марапатталды.
Айта кетейік, аталған конкурс Ұлытау облысында алғаш рет ұйымдастырылды. «WorldSkills Ulytau 2023» кәсіптік шеберлік байқауынан І орын алған 21 студент республикалық чемпионатта бақ сынайтын болады.
Comments