Көкшетауда балалар мен жасөспірімдердің заманауи «Болашақ сарайы» пайдалануға берілді, деп хабарлайды ҚазАқпарат тілшісі.
Қазақстанда теңдесі жоқ ғимарат 1 100 астам адамға арналған. Ол интеллектуалды даму және спорт блоктарынан тұрады. Қазіргі заманғы жаңа ғимаратта бес бағыт бойынша 78 үйірме жұмыс істейді.
Салтанатты шара Қазақстан Республикасының Тәуелсіздігі мерекесі қарсаңында өтті. Онда аймақ басшысы Ермек Маржықпаев биылғы жылы облыстың әлеуметтік-экономикалық дамуы жағынан жоғары көрсеткіштерге қол жеткізілгендігін атап өтті. Өңірдің өнеркәсіп өнімінің көлемі 27 есеге өскен.
Сонымен бірге, мереке қарсаңында еңбегімен көзге түскен бірқатар ақмолалық ҚР мемлекеттік наградаларымен, «Халық алғысы» медалімен марапатталды. Сондай-ақ «Ел Үміті» ұлттық жобасының жеңімпаздары сыйлық алды.
Автор: Аслан Оспанов