top of page
Поиск

Түркістан облысының Леңгір қаласында Оқушылар үйі салынады


Түркістан облысы Төлеби ауданының орталығы Ленгір қаласында 80 орындық оқушылар үйі бой көтереді. Былтыр заманауи жаңа ғимараттың жобалау жұмыстарына тапсырыс берілген. Бұл туралы Өңірлік коммуникациялар қызметінде мәлім етілді, деп хабарлайды ҚазАқпарат.


Биыл «Жұмыспен қамтудың жол картасы» бағдарламасы аясында нысанның құрылыс-монтаждау жұмыстарын қаржыландыру қолдау тауып отыр. Оқушылар үйінде жеңіл атлетика, еркін күрес, қолөнер бағытында «мүсінші», «тігінші» және тілдік бағытта «өнерлі бала» үйірмелері жұмыс істейтін болады.


Айта кетейік, ескі аудандық оқушылар үйінің ғимараты 1937 жылы шахта жұмысшылары үшін жатақхана ретінде салынған. Соғыс жылдарынан кейін ғимарат қалалық №7 бастауыш мектебіне, 1960 жылдан бастап №5 орта мектебінің бастауыш сынып оқушылары үшін берілген. Ал, 2010 жылдан бері аудандық оқушылар үйі ретінде қолданыста. Онда оқушыларға үйірме жұмысын жүргізуге ғимараттың бөлмелері жеткіліксіз болған. Сондықтан заман талабына сай оқушылар үйі бой көтермек. Жаңа білім ұясы Төлеби ауданы оқушыларының білім көкжиегін кеңейтуге сеп болары анық.


Commentaires


bottom of page