Түркістан облысында ерекше білім беруді талап ететін балаларға 7 арнайы мектеп қызмет көрсетеді, деп хабарлайды ҚазАқпарат облыс әкімінің баспасөз қызметіне сілтеме жасап.

Оның ішінде зерде бұзылыстары бар балаларға 3 мектеп-интернат, есту қабілеті бұзылған балаларға арналған 1 және сөйлеу қабілеті нашар оқушыларға арналған 3 білім ұясы бар.

Аталған мектеп- интернеттарда жалпы 1377 бала білім алуда. Түркістан облысы Адами әлеуетті дамыту басқармасының мәліметінше, барлық мекемелер психологиялық-педагогикалық түзету көмегімен қамтылған.

Эпидемиологиялық ахуалға байланысты балалардың 500-ден астамы қашықтан білім алуда. Әрқайсысы планшетпен қамтамасыз етілген. Мектеп-интернаттар халық арасында сырқаттану деңгейінің тұрақты төмендеу үрдісі байқалса, санитарлық талаптарды сақтай отырып аралас және штаттық оқыту форматына біртіндеп көшеді.