Биыл елімізде 10 мың орындық жатақхана салынады. Студенттерге арналған 46 нысанның құрылысы жергілікті бюджет есебінен де, мемлекеттік-жекеменшік әріптестік аясында да қаржыландырылады.
Бұл туралы бүгін Білім және ғылым министрлігінде өткен баспасөз мәслихатында айтылды. Сондай-ақ ведомство өкілдері жиын барысында кешегі Мәжілістің жалпы отырысында жолданған депутаттық сауалға қатысты жауап берді. Еске салайық, Жәмилә Нұрмағанбетова 2019 жылы жоспарланған 5 мың орынның 2810-ы ғана пайдалануға берілгенін айтып, жауапты министрліктің бұл бағыттағы жұмысын сынға алған еді.
Біржан Әлімжанов, ҚР БҒМ «Қаржы орталығы» АҚ департамент директоры:
- Айтылып кеткен сан орынды. 2810. Бірақ бұл жерде тек мемлекеттік тапсырыс орналастырып отырған сандар ғана есептеліп отыр. Жалпы есеппен Елбасының бастамасы іске қосылғаннан бері Қазақстанның өңірлерінде 9166 оранға арналған 34 обьект іске ұосылды. Қаржыландырудың бірнеше қайнар көзі бар: біріншісі мемлекеттік-жекеменшік әріптестікке негізделген механизм, екінішісі жергілікті бюджеттің есебінен іске қосылған жатақханалар, үшіншісі - демеушілер тарапынан іске қосылған жатақханалар бар.
Ақпарат көзі: 24.kz