главная

Білім министрі call-орталықтың операторы ретінде жұмыс істеп көрді

 

ҚР Білім және ғылым министрі Асхат Аймағамбетов қашықтан білім беруге қатысты call-орталықтың операторы ретінде жұмыс істеп көріп, азаматтардың сұрағына жауап берді, деп хабарлайды ҚазАқпарат министрдің Facebook-тегі парақшасына сілтеме жасап.

 

Асхат Аймағамбетов Білім және ғылым министрлігі мен халық арасында орнатылған кері байланыс тетіктері туралы жазды.

 

Солардың бірі оқушылардың қашықтан оқыту форматына көшуіне байланысты іске қосылған 1450 қысқа нөмірі де бар.

 

«Жедел желіге көптеген сұрақтар келіп түседі. Бұған өткен аптада түскі үзіліс уақытында орынбасарларыммен бірге өзім «оператор қатарында жұмыс істеп», көз жеткіздім. Сұрақтардың басым бөлігі қашықтан оқытуға, жалақының қалай төленетініне қатысты болды. Біз Call-орталыққа түскен қоңырауларға мамандармен бірге бірінші басшылардың да жауап беруі тәжірибесін одан әрі жалғастыруды жоспарлап отырмыз», - деп жазды министр.

 

Ведомство басшысының айтуынша, Білім және ғылым министрлігі төтенше жағдай кезінде коммуникацияның өзге де түрлі құралдарын пайдалануда. Министрлік педагогтермен, ата-аналармен және сарапшылармен үнемі байланыста болуға тырысады. Себебі конструктивті сауалдарға жылдам әрі мазмұнды жауап беру – маңызды.

 

«Олар – дәстүрлі БАҚ, танымал интернет-платформалар, әлеуметтік желілердегі парақшаларымыз, Call-орталығы, онлайн-конференциялар, арнайы чаттар мен басқа да форматтар.

 

Кері байланыс орнату барысында өткен жылдың күзінде іске қосылған Call-орталық ерекше рөл атқаруда. Сонымен қатар, біз Whatsapp-чаттарды және Telegram-арналарын тиімді қолданамыз.

 

Министрліктің Telegram-дағы @edu_news_qz арнасы бүгінгі күні 200 мыңға жуық аудиторияға ие, сондай-ақ «Бала қорғау» @bala_qorgau арнасы кері байланысты қамтамасыз етуде.

 

Мектеп директорларымен, әдістемелік кабинет, аудандық және қалалық білім беру бөлімдерінің, білім басқармаларының басшыларымен, ЖОО проректорларымен және ректорларымен, ғылыми ұйым басшыларымен жеке чаттарымыз бар.

 

Сондай-ақ, менің тапсырмам бойынша өңірлердегі білім басқармаларының, білім саласында сапаны қамтамасыз ету департаментінің және ЖОО басшылары әлеуметтік желілерде парақшаларын ашып, белсенділік танытуда», - деді ол. А.Аймағамбетов атап өткендей, мұндай жұмыс форматы туындаған сұрақтарға дереу жауап, түсініктемелер беруге, қажетті ақпаратты тез арада алуға және жеткізуге мүмкіндік береді.

 

 

Please reload

© 1999-2020  Редакция республиканского журнала "Современное образование"

новости образования | .kz news | новости | образование в Казахстане | новости | сегодня | bilim | kz | эксперт

вуз | университет | академия | институт | колледж | школа | частная школа | студент | ученик | школьник | учитель | преподаватель

конференция | форум | выставка образования | центр | музыкальная | художественная | абитуриент | student | shchool 

university | выставка вузы | день открытых дверей | талапкер - 2021 | талапкер | information | МОН РК - новости |

Министерство образования - актуальные новости | Казахстан | Новости образования РК сегодня | абитуриент - 2021

obrazovanie.kz 

МЫ В СОЦИАЛЬНЫХ СЕТЯХ

  • Vkontakte Social Icon
  • Instagram Social Icon