главная

Асхат Аймағамбетов: Оқулықтар әзірлеуде ортақ талап енгізілді

September 10, 2020

 

ҚР Білім және министрлігінде мектеп оқулықтарының сапасы мен мазмұны мәселелеріне арналған онлайн жиын өтіп жатыр, деп хабарлайды ҚазАқпарат тілшісі.

 

«Біз оқулықтарға қатысты проблемаларды біліп, соны шешуіміз керек. Бүгінде мектеп оқулықтарының мазмұнына, оқу бағдарламасына және кітаптың форматына да байланысты сұрақтар бар. Оқулықтарда жіберілетін қателіктерге де қатысты мәселелер айтылуда. Осыған орайда оқулықтарды әзірлеуде бірыңғай ортақ талап енгізілді. Оқулық әзірлеуде балалардың жас ерекшелігі, психологиясымен қатар мемлекеттік тіл саясатын да ұмытпауымыз керек. Сонымен қатар, оқушыларды электрондық оқулықтармен қамтамасыз ету де маңызды», - деді ҚР Білім және ғылым министрі Асхат Аймағамбетов оқулық мәселелеріне арналған онлайн жиын барысында.

 

Сондай-ақ, министр оқулықтардың сапасы мен мазмұнына қатысты сұрақтар мен ескертулер жиі келіп түсетін пәндерді атады.

 

«Бүгінде Қазақстан тарихы пәні бойынша ортақ оқулықтың болу мәселесі қолға алынуда. Себебі егемен еліміздің тарихы жазылған ортақ оқулық болуы қажет деген ұсыныс келіп түсті. Сол сияқты Көркем әдебиет оқулығы бойынша да өзгерістер қажет. Егер біз саналы ұрпақ тәрбиелейміз десек, онда көркем әдебиеттің орны ерекше. Балаларды тәрбиелеуде көркем әдебиет жеткілікті ма? Мектеп кітапханаларының бүгінгі жағдай қандай? Осы дүниелерді кеңінен қарастыруымыз қажет. Одан бөлек, Қазақ әдебиеті оқулығының мазмұнына қатысты да сұрақтар көп. Оның ішінде кейбір қазақ классиктерінің кітапқа енбей қалу мәселесі бар. Осы айтылған дүниелерге қатысты сұрақтар мен ұсыныстар бізге жиі келіп түседі. Бүгінгі кездесуде осы және өзге де оқулықтарға қатысты сұрақтарға жауап қарастыратын боламыз», - деді ол.

Please reload

© 1999-2020  Редакция республиканского журнала "Современное образование"

МЫ В СОЦИАЛЬНЫХ СЕТЯХ

  • Vkontakte Social Icon
  • Instagram Social Icon