Қазақстанның жас ғалымдары тың жаңалық ашу үшін өзара бірігіп жатыр. Олар 200 адамның басын қосқан «Жас ғалымдар альянсын» құрған.

Оның құрамында Назарбаев Университетінің қызметкерлері мен студенттері, сондай-ақ шетелде білім алып жүрген қазақстандықтар да бар. Альянс - бұл ынтымақтастық орнатып, ғылыми мәселелерді бірлесе шешуге арналған алаң.

Әсия Ермұхамбетова, ғалым:

- Мен «Болашақ» бағдарламасы бойынша Лондонда білім алдым. Сол кезде энергетика саласындағы жаңа технологиялармен етене таныстым. Отын элементтері, аккумуляторлар мен суперконденсаторларды егжей-тегжей зерттей бастағанда ғылыми зерттеулерге деген қызығушылығым артты.