Талапты жастар бизнес жобаларын қорғап, қаржылық сауаттылықтарын көрсетті, деп хабарлайды «Хабар 24».

Енді олар табысты кәсіпкерлермен кездесіп, кеңес алмақ. Сондай-ақ қаладағы 80 мектепте танымдық ойындар ұйымдастырылып, стартап-жобалардың байқауы өтеді.

Айта кету керек, биылдан бастап мектеп бағдарламасына «кәсіпкерлік пен бизнес негіздері» атты жаңа пән енгізілген болатын. Онда оқушылар кәсіп ашудың, қаржыны игерудің қыр-сырын үйренеді.

Ерсін Айтжан, оқушы:

– Бұл сабақта біз тек теорияны жаттап қана қоймай, сонымен қатар ой-санамызды дамытуға арналған түрлі ойындарды ойнаймыз және сол арқылы біз өзіміздің бизнес, кәсіпкерлік туралы түсінігімізді молайтып, құштарлығымызды арттырамыз. Бұл олимпиадаға қатысқаным келешекте маған үлкен үлесін тигізеді деп ойлаймын.