top of page
Search

Қорғаныс министрлігі ҚМЭБИ университетімен келісім жасады

Президенттің әскери қызметтің беделін арттыру туралы тапсырмасын орындау барысында қорғаныс ведомствосы Қазақстан менеджмент, экономика және болжау институты жоғары оқу орнымен келісімге қол қойды. ҚР Қорғаныс министрілігінің баспасөз қызметіне сілтеме жасап, «Современное образование» журналы хабарлайды.


Генерал-полковник Руслан Жақсылықов ҚМЭБИ университетімен басқарушылық буын мамандарын даярлау саласындағы тығыз өзара іс-қимыл 2015 жылдан бастап ұйымдастырылғанын еске салды.

«Сіз 2016 жылы дайындаған магистрлер бүгінде басқару лауазымдарында қызмет етіп, жақсы нәтижелер көрсетіп жүр» , – деді ол.

Кездесу барысында Қорғаныс министрі генерал-полковник Руслан Жақсылықов пен «ҚМЭБИ университеті» КЕАҚ басшылығының өкілі доктор Чапар Неджат білім беру саласындағы өзара қарым-қатынастың өзекті мәселелерін талқылады.


Кездесу соңында тараптар келісімге қол қойды, оның аясында студент жастарды әскери-патриоттық тәрбиелеу саласындағы ынтымақтастықпен қатар mini MBA (басқару буыны мамандығы бойынша академиялық емес магистратура) бағдарламасы бойынша 20 әскери қызметшіні оқыту да көзделген.


Comments


bottom of page