Ахмет Байтұрсынұлы атындағы Қостанай өңірлік университеті мен University of Minnesota Morris (АҚШ) қос дипломды бағдарламасы: Болашақ ІТ

Миннесота университеті – Америкадағы ең көне университеттердің бірі, 1851 жылы құрылған және АҚШ-тағы ең беделді 30 университеттің қатарына кіреді. Ол шетелдік студенттер үшін ең жақсы университеттер арасында 9-шы және QS 2024 халықаралық рейтингінде 203-ші орында тұр. Оның түлектері мен зерттеушілерінің арасында 26 Нобель сыйлығының лауреаты бар. Ахмет Байтұрсынұлы атындағы Қостанай өңірлік университетінің Миннесота университетімен қос дипломды бағдарламасы – бұл әлемдік деңгейдегі білім алуға, халықаралық тәжірибе жинақтауға, IT-саланың және басқа да негізгі салалардың болашағын қалыптастыратындардың қатарында болуға бірегей мүмкіндік.

А. Байтұрсынұлы атындағы ҚӨУ 6B06104 Computer science қос дипломды білім беру бағдарламасы бойынша оқытуды ұсынады.

Оқу мерзімі – 4 жыл.

Оқыту тілі – ағылшын.

ОҚУҒА ТҮСУШІЛЕРГЕ ҚОЙЫЛАТЫН ТАЛАПТАР

Мемлекеттік грант алуға арналған конкурсқа қатысу үшін шекті балл – 50-ден басталады, бұл ретте Қазақстан тарихы және негізгі ҰБТ-ның екі бейіндік пәні бойынша (мамыр-шілде) кемінде 5 балл, ал оқу сауаттылығы мен математикалық сауаттылығы бойынша кемінде 3 балл жинау қажет. ҰБТ-дағы бейіндік пәндер – математика және информатика.

Сондай-ақ, шет тілін білу деңгейін растайтын халықаралық сертификат қажет: TOEFL iBT / iBT Paper Edition / Home Edition / MyBest Scores – 70, IELTS – 5,5.

ОҚУ ЖӘНЕ ТҰРУ

Baitursynuly University-де 7 оқу ғимараты және 3 студенттер үйі бар. ЖОО-да 200 заманауи аудитория, мультимедиялық кабинет, бірегей зертхана, қуатты ғылыми және практикалық база бар. Студенттер жатақханамен қамтамасыз етіледі. 2024 жылдың күзінде жаңа корпустар ашылды.

БАЙЛАНЫСТАР

Тел.: 8 (7142) 54-28-49

WhatsApp: +7 775 155 04 00

Электрондық пошта: talapker@ksu.edu.kz

Instagram: @kru_kst_priyem

Мекенжайы: Қазақстан Республикасы, Қостанай қаласы, Тәуелсіздік көшесі, 118, 140-кабинет