Kozybayev University «Оқитын ұлт» жалпыұлттық марафонына қосылды

Kozybayev University бүкіл республика бойынша өтіп жатқан алты айлық кітап марафоны аясында жүзеге асырылатын «Оқитын ұлт» жалпыұлттық жобасына қосылды. Қатысушылар аттас цифрлық платформада тіркеліп, марафонның барлық кезеңінен өте алады.

«Оқитын ұлт» ұлттық жобасы интеллектуалдық әлеуетті нығайтуға, аналитикалық ойлауды дамытуға және ұлттық әдебиетті қолдауға бағытталған.

Марафон бағдарламасы 2026 жылғы қыркүйек пен 2027 жылғы наурыз аралығына жоспарланған. Қатысушыларға ұсынылған 15 шығармадан тұратын тізіммен танысып, оқыған кітаптары туралы пікір білдіру және қорытынды сынақтарға қатысу қажет. Жеңімпаздарға ақшалай сыйлықтар табысталады.

Университетімізде жоба екі негізгі бағыт бойынша жүзеге асырылады: «Оқитын университет» – бакалавриат, магистратура және докторантура студенттеріне; «Оқитын зиялы» – жоғары оқу орындарының оқытушыларына, зерттеушілері мен қызметкерлеріне арналған.уал» – для преподавателей, исследователей и сотрудников высших учебных заведений.

«Көпшілік: «Мен, мысалы, инженер болсам, руханият туралы кітаптар маған не үшін керек?» деп ойлауы мүмкін. Алайда адам белгілі бір білімге ие болып, оның астарында моральдық негіз болмаса, сол білім адамзат игілігіне емес, керісінше, зиянға пайдаланылуы мүмкін. Сондықтан бәріміз кітапты қолға алайық! Бұл – алты айдың ішінде 15 кітап оқуға мүмкіндік беретін тамаша акция. Ал кейбіреулер одан да көп кітап оқи алады. Жобаның үздік қатысушылары үшін арнайы ынталандыру шараларын қарастырамыз. Өйткені өмір бойы дамуымыз өте маңызды», – деп атап өтті интернационалдандыру және халықаралық бағдарламалар жөніндегі Басқарма мүшесі Мансұр Әлімханов.

Қозыбаев университетінің кітапханасы акцияға қатысушыларға тіркелу, кеңес беру және қажетті әдебиеттермен қамтамасыз ету бойынша көмек көрсетеді. Іс-шара барысында ниет білдірушілер өздерін қызықтырған кітаптарды кітапханадан алып, оқу марафонын бастауға мүмкіндік алды.

 «Жоба аясында ұсынылған әдебиеттердің қатарында көркем шығармалар, өзін-өзі дамытуға, тұлғалық өсуге арналған басылымдар, сондай-ақ Нобель сыйлығының лауреаттары жазған кітаптар бар. Қатысушылар оқу тілін – қазақ немесе орыс тілін таңдай алады. Кітаптарды онлайн да, офлайн да оқуға болады. Қазіргі уақытта университет кітапханасында бұл кітаптардың барлығы дерлік бар. Оларды екі аптаға алып оқу мүмкіндігіңіз бар», – деді ғылыми кітапхана директоры Әсия Ермишева.

Сондай-ақ осы күні университеттің «Оqyrman» оқырмандар клубының алғашқы отырысы өтті. Мұнда студенттер мен оқытушылар әдебиет туралы пікірлерімен бөлісіп, «Кітап оқитын ұлт» жобасына бірлесіп қатысады, түрлі челлендждер мен акциялар ұйымдастырады және оқыған шығармаларын талқылайды.

Клуб отырыстары айына екі рет өткізіледі. Қазіргі таңда клубқа шамамен 50 адам тіркелген. Дегенмен кітап оқитын зиялылар қатарына қосылғысы келетін барлық ниет білдірушілер үшін есік ашық.