SDU University – Академиялық адалдық лигасының төрағасы

Биыл SDU University еліміздің жоғары оқу орындарын біріктіретін Академиялық адалдық лигасы қауымдастығының төрағасы қызметін атқарады.

Миссиясы мен міндеттері

Академиялық адалдық лигасы – Қазақстан Республикасындағы жоғары және жоғары оқу орнынан кейінгі білім беру ұйымдарының қауымдастығы. Бұл ұйымның басты мақсаты – білім мен ғылымда сенім мен ашықтық сияқты адалдық қағидаларын насихаттау, студенттердің және оқытушылардың академиялық мінез-құлқына жоғары стандарттар енгізу.

SDU University 2018 жылы Лиганың мүшелігіне қосылды. Лиганың төрағалық қызметін атқару университетке келесідей мүмкіндіктер береді:

• Академиялық адалдық қағидаларын еліміздің аумағында кеңінен тарату және ілгерілету.

• Жоғары оқу орындары арасында тәжірибе алмасу, үздік модельдерді енгізу.

• Лиганың стратегиялық шешімдеріне университет позициясын қосу.

• Студенттер мен оқытушылар арасында адалдық мәдениетін күшейту.

Жаңа бастамалар мен жоспарлар

Төрағалық ету кезінде SDU University келесі бағыттарға ерекше көңіл бөледі:

1. Адалдық апталығы мен тренингтер – студенттер мен оқытушылар үшін арнайы шаралар ұйымдастыру.

2. Ғылыми жарияланым сапасын бақылау – журналдар мен ғылыми еңбектердің шынайылығы мен сенімділігін бағалау механизмдерін нығайту.

3. Оқу процесінің ашықтығын қамтамасыз ету – бағалау критерийлері, емтихан жүйесі, студенттердің құқықтары мен міндеттері жөніндегі ақпараттың қолжетімділігі.

4. Бірлескен жобалар мен форумдар – басқа университеттермен серіктестік құру арқылы академиялық адалдықты ілгерілету іс-шараларын ұйымдастыру.