Ақмола облысының жас зерттеушілері «Зерде» байқауында өз жобаларын ұсынды

2025 жылғы 10 – 12 қараша аралығында «Ақмола дарыны» дарынды балалар мен талантты жастарды анықтау және қолдау орталығының ұйымдастыруымен Көкшетау қаласы, Абай атындағы дарынды балаларға арналған №3 облыстық мамандандырылған мектеп-интернатының базасында 2–7 сынып оқушылары арасында «Зерде» ХХІ республикалық зерттеу жобалары байқауының облыстық кезеңі өткізілді.

Аталмыш байқауға 209 зерттеу жобасы тапсырылып, оның ішінде 152 зерттеу жобалары сараптамадан өтті.

Іс-шараға 16 ауданнан, Көкшетау, Степногорск, Қосшы қалаларынан барлығы 180 оқушы қатысты.

Оқушылардың зерттеу жобалары 12 секция бойынша өткізілді:

1 секция - қазақ тілі мен әдебиеті;

2 секция - орыс тілі мен әдебиеті;

3 секция – ағылшын тілі;

4 секция - математика, қолданбалы математика;

5 секция - физика, космос;

6 секция – туризм және спорт;

7 секция – тарих, өлкетану;

8 секция - этномәдениеттану;

9 секция – химия, биология;

10 секция – медицина, психология, экология;

11 секция - информатика, робототехника STEM инженерия;

12 секция - технология және өнер.

Шығармашылық байқау қорытындысы бойынша жеңімпаздар анықталды:

- І-дәрежелі дипломмен – 24 оқушы

- ІІ-дәрежелі дипломмен – 47 оқушы

- ІІІ-дәрежелі дипломмен – 63 оқушы

- Грамотамен – 9 оқушы марапатталды.

Байқаудың облыстық кезеңінің нәтижесі бойынша І орынды иеленген 24 оқушы

байқаудың республикалық кезеңіне қатысуға жолдама алды.