Біздің студент - чемпиондар қатарында!

М.Әуезов атындағы Оңтүстік Қазақстан зерттеу университетінің «Сәулет, құрылыс және көлік» факультеті СМ-22-5к7 тобының студенті Әбілхайыр Абдрасилов (92 келі салмақ дәрежесінде) 25 қыркүйекте Шымкент қаласында «Алпағұт» ұлттық спорттық жекпе-жек федерациясы ұйымдастырған балалар, жасөспірімдер, ерлер және әйелдер ашық турнирінде I-орынды иеленді.

Жас спортшы бұған дейін де республикалық, халықаралық және аймақтық деңгейдегі жарыстарда жеңіс тұғырынан көрініп, өзінің мықтылығын дәлелдеп келеді.

Университет ұжымы мен факультет атынан Әбілхайырды жеңісімен құттықтай отырып, спорттық жолында толағай табыстар тілейміз!

Жеңісті күндер көп болсын!