Мен грант алдым, енді не істеу керек?

Грант куәлігі grant.testcenter.kz сайтында қолжетімді. Әрі қарай талапкерлер грантқа немесе ақылы негізде оқуға түсу үшін 25 тамызға дейін (қоса алғанда) ЖОО-ға құжаттарды тапсыруы тиіс, деп хабарлайды «Современное образование» журналы ҰТО-ның Telegram-арнасына сілтеме жасап.

Қабылдау комиссиясына келесі құжаттарды ұсыну қажет:

• жеке куәлік;

• 3×4 көлеміндегі фотосурет;

• орта білім туралы аттестат немесе колледж түлектеріне арналған диплом;

• № 075/у нысаны бойынша медициналық анықтама;

• бозбалалар үшін әскери комиссариаттан приписной куәлік;

• білім беру грантын тағайындау туралы электрондық куәлік (бар болса);

• жеңілдік санаттары бойынша растаушы құжаттар (бар болса).