Оксфорд, Кембридж және Гарвард шахмат чемпионатында Алматыда өз командаларын ұсынды

Алматыда тарихи оқиға – FIDE университеттері арасындағы тарихтағы алғашқы әлемдік командалық чемпионаттың ашылуы өтті. Қазақстан Солтүстік және Оңтүстік Америка, Еуропа және Азиядан келген 16 университеттік команданы қабылдауда. Қатысушылардың қатарында шахмат клубтары бір ғасыр жарымнан астам уақыттан бері жұмыс істеп келе жатқан Оксфорд, Кембридж және Гарвард университеттері бар. Елімізде өтіп жатқан чемпионатта еліміздің атынан әл-Фараби атындағы Қазақ ұлттық университеті мен Қазақ ұлттық спорт университеті қатысуда, деп хабарлайды «Заманауи білім беру» журналы Саясат Нұрбектің Телеграм-каналына сілтеме жасап.

«Біз үшін шахмат – бұл сын тұрғысынан ойлауды, дербестікті, жауапкершілікті және ұзақ мерзімді стратегия құра білу қабілетін дамытатын білім беру құралы. Дәл сол себепті 2023–2027 жылдарға арналған Шахматты дамытудың кешенді жоспары аясында біз шахмат білімін жүйелі түрде дамытып жатырмыз, – дейді Саясат Нұрбек. –

Бес педагогикалық университеттің 200-ден астам студенті «Шахмат педагогы» Minor-бағдарламасы бойынша оқытудан өтті. Еліміздің 31 ЖОО-сында шахмат білімі бойынша пәндерді қамтитын білім беру бағдарламалары іске асырылуда. QyzPU базасында заманауи оқыту әдістемелерін әзірлеу және жаңа буын педагогтарын даярлау алаңына айналатын KazChessLab оқу-әдістемелік зертханасы ашылды.

емпионатты өткізу Қазақстанның Халықаралық шахмат федерациясымен стратегиялық ынтымақтастығының жалғасы болды. Бұл жұмысқа Мемлекет басшысы Қасым-Жомарт Кемелұлы Тоқаевтың қолдауы ерекше маңыз береді, ол жастардың зияткерлік дамуында, тәрбиесі мен білімінде шахматтың рөлін бірнеше рет атап өткен.

Бүгін бір тақта басында әлемнің жетекші университеттерінің студенттері кездесіп отыр. Жақын болашақта олардың көпшілігі ғалым, кәсіпкер, компаниялар мен мемлекеттік институттардың басшылары болады. Бүгін Алматыда қалыптасып жатқан байланыстар жаңа академиялық жобалар мен халықаралық ынтымақтастықтың негізі болатынына сенімдімін.

Шахмат тақтасы туралы аңыздағыдай, кез келген маңызды іс бір дұрыс шешімнен басталады. Қатысушыларға жарқын партиялар, лайықты жеңістер және Қазақстаннан ұмытылмас әсерлер тілеймін!», – деп жазады министр.