«Таза Қазақстан» аясында Жетісу университетінде «Sustainable Fashion Show» сән көрсетілімі өтті

«Таза Қазақстан» экологиялық мәдениетін дамыту тұжырымдамасын іске асыру шеңберінде «Sustainable Fashion Show» тақырыбында тұрақты сән үлгілерінің көрсетілімі өтті.

Іс-шараға Дене шынықтыру және өнер, физика-математика және жаратылыстану-техникалық факультеттерінің студенттері қатысты.

Көрсетілімде дизайнер-студенттер экологиялық таза, қайта өңделген және тұрақты материалдардан жасалған сән үлгілерін ұсынды.

Іс-шараның мақсаты – экологиялық мәдениетті дамытуға үлес қосу, қоршаған ортаны қорғауға бағытталған сән индустриясын насихаттау және қоғамда жауапты тұтыну қағидаларын қалыптастыру.

Сонымен қатар, бұл іс-шара қайта өңделген материалдарды пайдалану, экологиялық таза өндіріс тәсілдерін дәріптеу және тұрақты сәннің маңыздылығы туралы көпшілікке түсінік беру арқылы «Таза Қазақстан» тұжырымдамасының идеяларын қолдауды көздейді.