Франция елшісінің М. Әуезов атындағы Оңтүстік Қазақстан университетіне сапары

2025 жылғы 24 қарашада М. Әуезов атындағы Оңтүстік Қазақстан университетінде Францияның Қазақстандағы Төтенше және Өкілетті Елшісі Сильван Гиоге қабылданды. Француз делегациясының құрамында Францияның бас консулы Максим Жеренже және халықаралық сарапшы Агнес Буссе де болды.

Кездесу барысында жоғары білім, ғылым және мәдени жобалар саласында Пуатье университетімен ынтымақтастықты кеңейту перспективалары талқыланды. «Халықаралық қатынастар және халықаралық құқық» кафедрасының студенті Жадыра Шымберген «Université du Sud-Kazakhstan portant le nom de M. Auezov» тақырыбында презентация жасап, университеттің негізгі жетістіктерін көрсетті.

Кездесудің қорытындысы бойынша тараптар академиялық мобильдік, оқытушылар мен студенттерді алмастыру, қонақ-лекциялар өткізу, докторанттарға бірлескен ғылыми жетекшілік көрсету, сондай-ақ Француз Альянсы бастамаларын қолдауды нығайтуға келісті.

Шымкенттегі Француз Альянсы атынан Шымкенттегі Француз Альянсы директоры Жумагүл Абдуллинаға «Академиялық Пальм орденінің» кавалері атағы берілді. Сыйлық тапсыру рәсімін Қазақстандағы Франция Елшісі, Жоғары дәрежелі Сильван Гиоге өткізді.