Қазақстан – Шахмат олимпиадасының екі дүркін күміс жүлдегері!
Қазақстанның әйелдер құрамасы Шахмат олимпиадасының күміс медалін қатарынан екінші рет жеңіп алды, деп хабарлайды «Замануи білім беру» журналы ҚР ТжСМ баспасөз қызметіне сілтеме жасап. Жарыс 16-27 қыркүйек аралығында Самарқандта (Өзбекстан) өтіп, ерлер және әйелдер турнирлеріндегі қатысушылардың рекордтық санын – шамамен 400 команданы жинады.
Қазақстан – Шахмат олимпиадасының екі дүркін күміс жүлдегері!
11 турдың қорытындысы бойынша Қазақстан 18 ұпай жинап, 189 әйелдер құрамасының арасында екінші орынды иеленді, тек Қытайға ғана жол берді. Үшінші орынды Үндістан командасы алды. Қазақстан құрамасының сапында Бибісара Асаубаева, Алуа Нұрман, Меруерт Қамалиденова, Елназ Қалиахмет және Зарина Нұрғалиева өнер көрсетті. Команда капитаны – Павел Коцур.
Ерекше атап өтетін жайт, Қазақстан құрамасы Шахмат олимпиадаларындағы өз тарихында алғаш рет турнирді бірде-бір командалық жеңіліссіз аяқтады – жеті жеңіс және төрт тең ойын.
Қазақстан әлемдік шахматтағы басты командалық турнирлердің бірінің пьедесталының екінші сатысына қатарынан екінші рет көтерілді. Қазақстанның әйелдер құрамасы Шахмат олимпиадасының күмісін алғаш рет 2024 жылы Будапеште жеңіп алған болатын. Екі жылдан кейін команда бұл нәтижені Самарқандта қайталады.
Comments