ҰБТ-да не істеуге болады және не істеуге болмайды?

ҰБТ-да:

• аудиториядан рұқсатсыз және сүйемелдеусіз шығуға;

• аудиториядан 10 минуттан артық шығуға;

• сөйлесуге, орын ауыстыруға;

• А4 парақтарымен алмасуға және аудиториядан шығаруға;

• тыйым салынған заттарды қолдануға;

• тестілеу кезінде шулауға;

• тест тапсырмаларының мазмұнын талқылауға және жариялауға;

• тестілеу жүйесіне сырттан араласуға;

• техниканы қасақана бүлдіруге тыйым салынады.

Аудиторияда тыйым салынған заттың тәркіленуі немесе тәртіп сақтау ережесін бұзған тест тапсырушы тестілеуді аяқтай алмайды және нәтижесі жойылады.

ҰБТ барысында

• сұрақ болса, тестілеу администраторын шақырып, сұрауға;

• су ішіп, шоколад жеуге;

• орында отырып жаттығу жасауға;

• Менделеев кестесінің қағаз нұсқасын сұрауға;

• жұмыс үшін берілген парақтар жетіспесе, қосымша сұрауға рұқсат етіледі.