Қазіргі мектептің даму бағыттары
Ұлттық құндылықтарды білім берудің заманауи талаптарымен ұштастыра отырып, білімді, дені сау, рухани бай және бәсекеге қабілетті ұрпақ тәрбиелеуге бағытталған тиімді білім беру ортасын қалыптастыру – еліміздің әрбір мектебінің алдында тұрған мақсат.
Мен Астана қаласы әкімдігінің «№ 45 жалпы білім беретін мектеп» коммуналдық мемлекеттік мекемесінің директорымын. Мектептің негізгі миссияларының бірі – өз елін сүйетін, білімді, мәдениетті және жауапкершілігі жоғары азаматтарды тәрбиелеу. Мен өз жұмысымды мектептің даму бағытын айқындаудан бастадым.
Менің басты қағидатым – әрбір баланың жеке ерекшеліктерін ескере отырып, оның жан-жақты дамуы үшін жағдай жасау.
Біздің мектеп 2025 жылғы 27 қаңтарда салтанатты түрде ашылып, жұмысын бастады. Оның жалпы ауданы 24 000 шаршы метрді құрайды. Кең аумақта оқу корпусы, спорт алаңдары, демалыс аймақтары және көгалдандырылған аумақтар орналасқан. Мектеп аумағын абаттандыру және қауіпсіздік жүйелерін жетілдіру бойынша ауқымды жұмыстар жүргізілді.
Мектепте оқушылардың сапалы білім алуы мен мұғалімдердің тиімді жұмыс істеуі үшін барлық қажетті жағдайлар жасалған. Бізде 98 оқу кабинеті және 4 мұғалімдер бөлмесі бар. Оқу кабинеттері заманауи талаптарға сәйкес жабдықталған, интерактивті тақталармен, компьютерлермен және мультимедиялық құралдармен қамтамасыз етілген.
Жаратылыстану-математикалық бағыттағы пәндер бойынша зертханалық жұмыстарды жүргізуге арналған 6 зертхана жұмыс істейді. Физика, химия және биология кабинеттеріндегі заманауи жабдықтар оқушыларға теориялық білімді практикамен ұштастыруға мүмкіндік береді. Бұл оқушылардың зерттеушілік дағдыларын дамытып, пәнге деген қызығушылығын арттырады.
Информатика кабинеттері ең жаңа компьютерлік техникамен жабдықталған, бұл оқушылардың цифрлық сауаттылығын арттыруға және ақпараттық технологияларды тереңдетіп меңгеруге мүмкіндік береді.
Мектеп кітапханасы жаңа әдебиеттермен толықтырылып, оқушылар мен педагогтердің қажетті ақпаратқа еркін қол жеткізуі үшін жағдайлар жасалды.
Мектепте 6 коворкинг-аймақ жұмыс істейді. Бұл кеңістіктер оқушылар мен мұғалімдердің бірлескен жұмысын ұйымдастыруға, шығармашылық бастамаларды қолдауға және түрлі білім беру жобаларын жүзеге асыруға мүмкіндік береді.
Мектеп ұжымы білім беру процесінде заманауи цифрлық технологияларды белсенді пайдаланады. Барлық оқу кабинеттері интерактивті тақталармен жабдықталған, сабақтарда цифрлық платформалар кеңінен қолданылады. Бұл оқушылардың пәнге деген қызығушылығын арттырып, білімді тиімді меңгеруге мүмкіндік береді. Сонымен қатар, қашықтан оқыту кезеңінде мектеп мұғалімдері онлайн-сабақтарды сапалы ұйымдастырып, білім беру процесінің үздіксіздігін қамтамасыз етті.
Тәрбие жұмысы да мектептің жетістіктерінің маңызды бағыттарының бірі болып табылады. Оқушылардың бойында патриотизмді, жауапкершілікті және адамгершілік қасиеттерді қалыптастыру мақсатында түрлі мәдени, спорттық және әлеуметтік жобалар жүзеге асырылуда.
Әр жұма сайын бізде Ұлттық киім күні өткізіліп, оқушылар мен педагогтердің ұлттық мәдениетке деген құрметін арттыруға, қазақ халқының әдет-ғұрыптарын, дәстүрлері мен рухани құндылықтарын насихаттауға жағдай жасалуда. Бұл бастама өскелең ұрпақтың ұлттық бірегейлігін сақтайтын және өз мәдениетімен мақтанатын тұлға ретінде қалыптасуына ықпал етеді.
Біздің мектептің оқушылары волонтерлік акцияларға, қайырымдылық іс-шараларына және экологиялық жобаларға белсенді қатысады. Мұндай жұмыс олардың азаматтық ұстанымының қалыптасуына ықпал етеді.
Біздің мектепте сапалы біліммен қатар оқушылардың дене шынықтыру мен спортқа деген қызығушылығын дамытуға ерекше көңіл бөлінеді. Біз салауатты өмір салтын қалыптастырып, әрбір баланың қабілетін ашу маңызды міндет деп санаймыз.
Мектептің маңызды артықшылықтарының бірі – дамыған спорттық инфрақұрылым. Бізде екі үлкен және екі шағын спорт залы бар. Мұнда дене шынықтыру сабақтары өтіп, волейбол, баскетбол, футбол және басқа да спорт түрлері бойынша секциялар жұмыс істейді. Спорт залдарының жеткілікті саны оқушыларға спортпен белсенді шұғылдануға және түрлі деңгейдегі жарыстарға сапалы дайындалуға мүмкіндік береді.
2025–2026 оқу жылында біздің мектеп айтарлықтай жетістіктерге қол жеткізді.
Жетістіктер мектеп ұжымының жүйелі жұмысының, мұғалімдердің кәсіби шеберлігінің және оқушылардың білімге деген ұмтылысының нәтижесі.
Мектеп оқушылары оқу жылы бойы түрлі деңгейдегі пәндік олимпиадаларға, ғылыми жобалар конкурстарына, шығармашылық байқауларға және спорттық жарыстарға белсенді қатысты. Жүлделі орындар мен марапаттар оқушылардың білімге деген ұмтылысын арттырып, оларды жаңа белестерді бағындыруға ынталандырады.
Біз оқушыларымыздың республикалық, қалалық және халықаралық конкурстар мен олимпиадалардағы жетістіктерімен мақтанамыз.
«Астана дарыны» ұйымдастырған «Ақберен» республикалық өнер конкурсы (қалалық кезең):
«Ақындар мүшәйрасы» номинациясында 8-сынып оқушысы Наурызбай Нұрасыл – II орын;
«Эссе жазу» номинациясында 9-сынып оқушысы Дарханова Ясмин – II орын.
Республикалық «Мәшһүр Жүсіп оқулары» (қалалық кезең):
«Мәшһүр Жүсіп шығармалары және «Ұлы даланың ұлы есімдері» номинациясында 9-сынып оқушысы Мамедова Ясмина – III орын;
«Эссе жазу» номинациясында 9-сынып оқушысы Дарханова Ясмин – II орын.
«Бейімбетті білмек парызы» қалалық конкурсы:
«Бейімбет – өз заманының ұлы суреткері» бағытында 9-сынып оқушысы Төлеген Шұғыла – II орын;
«Өткір ой, ұшқыр қалам» бағытында 10-сынып оқушысы Үмбет Әмира – II орын.
«Шәкәрім оқулары» конкурсы:
«Ақыл мен жанның сырлы байланысы...» номинациясында 9-сынып оқушысы Бөлекбай Аружан – III орын.
«Абай оқулары» қалалық кезеңі:
«Ұлы Абай бейнесі сөз өнерінде» номинациясында 9-сынып оқушысы Жазыбаева Әмина – II орын.
«ProFest» кәсіптер фестивалі:
«IT Explorer» номинациясында 7-сынып оқушысы Бауржанов Бекжан – II орын.
5–6 сыныптарға арналған республикалық олимпиада:
5-сынып оқушысы Азаматқызы Айша – I орын;
5-сынып оқушысы Думан Ансар – II, III орындар;
6-сынып оқушысы Серікқали Жансерік – II орын;
6-сынып оқушысы Алхан Нұртөре – II орын;
6-сынып оқушысы Рысалы Сұлтанхан – III орын;
6-сынып оқушысы Столповский Владимир – III орын.
7–8 сыныптарға арналған республикалық олимпиада:
7-сынып оқушысы Закарьянов Алдияр Айдарулы – II орын;
7-сынып оқушысы Бярлина Адель – III орын;
8-сынып оқушылары: Алибек Алижан, Абрахманова Ерсайын, Темірболат Аллажар, Сабитулы Мұхамеджан, Кенжетай Рамазан – III орындар.
«Зерде» республикалық ғылыми жобалар конкурсы (2–7 сыныптар):
6-сынып оқушысы Алхан Нұртөре – II орын;
5-сынып оқушысы Хабит Көркем – III орын;
7-сынып оқушысы Алипкали Елжан – III орын;
2-сынып оқушысы Бақтияр Мұсалым – III орын;
4-сынып оқушысы Адайбек Ерасыл – III орын.
«Дарын» республикалық ғылыми жобалар конкурсы (8–11 сыныптар):
11-сынып оқушысы Сайлаубек Алдияр – II орын.
9–11 сыныптарға арналған республикалық олимпиада:
10-сынып оқушысы Болатбай Арманай – I орын;
11-сынып оқушысы Ерден Алина – II орын;
10-сынып оқушылары: Нұрғожа Нұрлытан, Жақсылыкова Әмина – II орын;
10-сынып оқушылары: Шынтемір Анаргүл, Каримов Ален – III орын;
11-сынып оқушысы Арынғазы Қайсар – III орын.
Басқа да жетістіктер:
3-сынып оқушысы Тұрарбек Альтаир – «Жылдам оқу» қалалық конкурсы, I орын;
8-сынып оқушысы Наурызбай Нұрасыл – «Ұлы Дала қоңырауы» конкурсы, III орын;
7-сынып оқушылары Дастанулы Сұлтан, Ермек Жантуар – «ProEco» қалалық кезеңі, I орын;
10-сынып оқушысы Болатбай Арманай – халықаралық олимпиада, II орын;
10-сынып оқушысы Ахметжан Тамерлан – «Әлімхан әлемі» конкурсы, III орын;
2-сынып оқушысы Бахтыбеков Тамерлан – «Бала Абай» конкурсы, II орын;
3–4 сынып оқушылары Тұрсынов Бексұлтан, Күндак Ернұр – математика олимпиадасы, III орын;
3–4 сынып оқушылары Болатбек Дарын, Әбдіжалелов Нұрхан – «Қобыланды батыр» поэмасы конкурсы, III орын;
9-сынып оқушысы Аниспек Айнұр – «Ұлытау» зияткерлік ойыны, I орын.
Мектептің білім сапасын арттыруда мұғалімдердің кәсіби шеберлігі ерекше рөл атқарады.
Біздің педагогтер республикалық, қалалық және аудандық деңгейдегі кәсіби конкурстар мен олимпиадаларға белсенді қатысып, жоғары нәтижелерге қол жеткізуде:
Мұсина Тоғжан Жандосовна – «Ой-сандық: оқу және математикалық сауаттылық – табысты синергия» математикалық конкурсы, III орын;
Демесінова Мадина Маратқызы, Қадырманова Гүлден Байржанқызы – «Алтын тұғыр» олимпиадасы, III орын;
Килибаева Лаура – бастауыш сынып мұғалімдерінің аудандық олимпиадасы, II орын;
Капбасова Балжан – бастауыш сынып мұғалімдерінің аудандық олимпиадасы, III орын;
Базарбек Назым Базарбекқызы – «Педагогикалық идеялар фестивалінің» қалалық кезеңі, III орын;
Дармишева Назгүл Еркінбекқызы – «2026 жылдың үздік психологы», II орын;
Спархан Сағида – «Ой-сандық» конкурсы, II орын; «Математикалық регата» олимпиадасы, III орын;
Аглакова Айнаш Алібекқызы – халықаралық конференциядағы грамота;
Қалиева Перизат Айнекібайқызы – «Бейіндік оқыту жөніндегі үздік орынбасар» қалалық конкурсы, «Шығармашыл орынбасар» номинациясындағы диплом.
Біздің мектеп ұжымы білім беру саласында ғана емес, спорттық бағытта да ұйымшыл, белсенді және бәсекеге қабілетті. Мектеп мұғалімдері салауатты өмір салтын ұстанып, түрлі спорттық жарыстарға белсенді қатысып, жоғары нәтижелер, ұжымдық бірліктің және кәсіби рухтың жоғары деңгейін көрсетуде.
Біздің мектеп мұғалімдерінің командасы «Болашақ мектептері» арасындағы волейбол жарысында I орынды иеленді. Сондай-ақ «Заң және тәртіп» акциясы аясындағы волейболдан командалық турнирде мұғалімдеріміз II орынды жеңіп алды. Тәуелсіздік күніне орай ұйымдастырылған «Елім деп соққан жүрек – жеңіске жетер тірек» қалалық волейбол турнирінде педагогтер командасы жоғары ойын деңгейін көрсетіп, I орынды иеленді.
Жеке жетістіктерге тоқталсақ, мектеп басшысы волейбол жарыстарында ерекше ойын стилін көрсетіп, «Үздік ойыншы» атағына ие болды.
«AMANAT» партиясының «Нұра» аудандық филиалы Республика күніне орай ұйымдастырған үстел теннисінен спартакиадада мектеп мұғалімі Жандаулет Анара Қанатқызы III орынды иеленді.
Қазақ күресінен қалалық кезеңде дене шынықтыру мұғалімдері – Армия Рауан, Ганимат Мұхаммед-Али, Нұрғалиев Ернар, Есенов Медет – жоғары шеберлік көрсетіп, III орынды иеленді.
Білім беру мекемесінің табысты дамуы ата-аналар қоғамдастығымен тығыз өзара іс-қимыл орнатуға да негізделген. Мектеп пен ата-аналардың бірлескен жұмысы оқушылардың сапалы білім алуына және тұлғалық дамуына оң әсер етеді. Түрлі кездесулер, семинарлар және ашық есік күндері арқылы ата-аналар мектеп өміріне белсенді қатысады.
Мектептің жетістіктері – мұғалімдердің табанды еңбегінің, оқушылардың ұмтылысының және ата-аналардың қолдауының нәтижесі. Біздің ұжым жұмыстың жоғары деңгейін белгілеп, білім сапасын арттыру, заманауи білім беру технологияларын енгізу және білімді, шығармашыл әрі жауапкершілігі жоғары азаматтарды тәрбиелеу жолында жұмысты жалғастырады.
Рауан БАХЫТ,
«№ 45 жалпы білім беретін мектеп» КММ директоры,
Астана қаласы
АННОТАЦИЯ
В этой статье представлены достижения школы в сферах образования, воспитания, цифровизации и развития творческих способностей учащихся. Раскрываются результаты и практический опыт работы, направленной на повышение качества образования, а также описывается их влияние на всестороннее развитие школьников.
Comments