Auezov University Дүниежүзілік тоқыма университеттері альянсына қосылды

Қытайдың Шанхай қаласында Дунхуа университетінің 75 жылдығы аясында Дүниежүзілік тоқыма университеттері Альянсының форумы өтті. Форум барысында Мұхтар Әуезов атындағы Оңтүстік Қазақстан зерттеу университеті Альянс құрамына ресми түрде қабылданды.

Университет атынан форумға:

— ғылым және инновациялық қызмет жөніндегі проректордың орынбасары Назарбек Ұлжалғас Бақытқызы;

— «Тоқыма материалдарын технологиялау және жобалау» кафедрасының меңгерушісі Махмудова Гүлжамол Иманқұлқызы;

— кафедра профессоры Мырхалықов Жұмахан Үшкемпірұлы қатысты.

Альянсқа мүшелік қандай мүмкіндіктер ашады?

* Нанотекстиль, ақылды тоқыма және тұрақты материалдар бағытында халықаралық ғылыми жобаларды бірлесіп жүзеге асыру;

*Студенттер мен оқытушылардың академиялық ұтқырлығын кеңейту;

* Шетелдік серіктестермен бірлескен зертханалар құру;

*Қосдипломды білім беру бағдарламаларын дамыту.