Kozybayev University-де Директорлар кеңесінің отырысы өтті

Маңызды мәселелердің бірі ретінде университеттің ұйымдық құрылымын жаңарту қарастырылды. Білім алушылар контингентінің артуы мен жаңа білім беру бағыттарының дамуы кадрлық әлеуетті сәйкесінше күшейтуді қажет етеді.

Осыған орай Директорлар кеңесі профессорлық-оқытушылық құрамның штаттық санын көбейтуді қолдады.

Нақты құрылымдық шешімдер қабылданды.

«Дене шынықтыру және спорт» кафедрасы екіге бөлінеді — «Дене тәрбиесі және бастапқы әскери дайындық» және «Дене шынықтыру».

«Стоматология» білім беру бағдарламасының ашылуы медицина факультетінде «Стоматологиялық пәндер» атты жаңа кафедра құруға негіз болды.

Директорлар кеңесі іссапарлық және өкілдік шығыстарды өтеу тәртібіне енгізілген өзгерістерді қарастырды. Университет өсіп келеді, жаңа білім беру бағдарламалары мен бағыттары пайда болуда, солармен бірге оның құрылымы да өзгеруде. Бұл өзгерістердің қажетті кадрлық және басқарушылық шешімдермен уақтылы қамтамасыз етілуі маңызды.

М. Қозыбаев атындағы СҚУ-дың басқа да маңызды оқиғаларының ішінде — Kozybayev University Басқарма төрағасы-Ректоры Ербол Исақаев пен академиялық мәселелер жөніндегі Басқарма мүшесі Айгүл Нұрпейісова Rectors’ Club: Central Asia+ «Жасанды интеллекттен кейінгі университеттер: жаңа көшбасшылық, адами өлшем және Орталық Азия+ университеттерінің болашағы» атты 8-ші отырысына қатысты.

Іс-шарада талқылаудың орталығында өзара байланысты екі тақырып болды. Біріншісі – университеттің өзі қалай өзгеріп жатқаны: оның құрылымдары мен бағдарламалары, зерттеу қызметі және индустриямен өзара іс-қимылы. Екіншісі – жасанды интеллект интеллектуалдық міндеттерді барған сайын жақсы шешіп жатқанда, адамда нені сақтау және дамыту маңызды.

Кездесудің қорытындысы бойынша жасанды интеллекттен кейінгі университеттер туралы Астаналық AI декларациясы қабылданды, ол жоғары білімнің жауапты, адамға бағытталған және бірлескен трансформациясының бағдарларын айқындайды.