Мемлекеттік стипендияларды төлеу тәртібі туралы ақпарат

2008 жылғы 7 ақпандағы №116 мемлекеттік стипендияларды төлеу қағидаларына сәйкес стипендия толық күнтізбелік ай үшін төленеді.

Стипендия қашан түседі?

Төлемдер жоғары оқу орны барлық қажетті деректерді ұсынған жағдайда айдың соңына дейін жүзеге асырылады.

Төлем жасаудың белгіленген күні қарастырылмаған, өйткені қаржыны аудару бірнеше ұйымдастырушылық және техникалық процестерге байланысты.

Бірыңғай күннің болмауының негізгі себептері:

- жоғары оқу орындары тарапынан деректер ұсыну мерзімдеріндегі айырмашылықтар;

- мәліметтерді техникалық тексеруден өткізу және түзету қажеттілігі;

- банктік аударымдар кестесінің ерекшеліктері.

Сонымен қатар, төлемдер әрқашан ағымдағы айдың соңына дейін жүзеге асырылады.

Төлем қалай қалыптасады?

Жоғары оқу орнынан студенттер, оларды аттестаттау және деректемелер туралы мәліметтер алынғаннан кейін тексеру жүргізіліп, төлем тізілімі қалыптастырылады. Содан кейін стипендия көрсетілген шоттарға аударылады.

Қайда жүгіну керек?

Сұрақтар бойынша 8(7172) 69-50-58 нөмірі бойынша хабарласуды ұсынамыз.