Satbayev University базасындағы City University of Hong Kong филиалы: қалай түсуге болады

2023 жылы Ғылым және жоғары білім министрі Саясат Нұрбектің қолдауымен Satbayev University қабырғасында әлемнің үздік жүз университетінің қатарына кіретін элиталық Азия университеті – Гонконг қалалық университетінің (CityU) филиалын ашу туралы келісімге қол қойылды. 2025 жылғы 16 мамырда екі университеттің топ-менеджменті – Satbayev University-дің ректоры Мейрам Бегентаев пен CityU Директорлар кеңесінің төрағасы Майкл Нгай, Алматы қаласы әкімінің орынбасары Азамат Қалдыбеков пен ҚХР Бас консулы Цзянь Вейдің қатысуымен филиалдың салтанатты ашылу рәсімі өтті.

Жоғары академиялық беделге, кәсіптік білім беру мен зерттеулердің сапасына байланысты CityU QS және Times Higher Education халықаралық рейтингтік агенттіктерінің нұсқасы бойынша жоғары орындарды иеленеді. 2025 жылы CityU Азиядағы үздік университеттер арасында 10-шы, QS World Universities Ranking 2025-те 62-ші және Times Higher Education рейтингінде 78-ші орынға ие болды. Сонымен қатар, шетелдік студенттердің жоғары үлесінің арқасында халықаралық білім беру ортасы бар әлемдік университеттер арасында көшбасшы болды. ЖОО-да АҚШ-тағы Кремний алқабынан бастап Еуропа мен Азияның технологиялық алпауыттарына дейін әлемдегі ең технологиялық компаниялар кеңестерін тыңдайтын танымал ғалымдар мен өнертапқыштардың тренингтері мен қонақ дәрістері жиі өткізіледі.

CityUHK Зерттеулер және инновациялар институты форматында жұмыс істейтін филиалдың ашылуы инженерлік білім беруде жаңа технологиялардың ғылыми-зерттеу хабын құруға мүмкіндік береді.

БІЛІМ БЕРУ БАҒДАРЛАМАЛАРЫ ЖӘНЕ ОҚЫТУ ФОРМАТЫ

Филиалда оқу үш қос дипломды білім беру бағдарламасы бойынша басталады:

– Computer Science (Компьютерлік ғылымдар),

– Civil Engineering (Азаматтық құрылыс),

– Material Science (Материалтану).

Оқыту тілі – ағылшын тілі. Оқыту форматы: бакалаврлар үшін «2+2» және магистратура үшін «1+1». Бұл CityU филиалына оқуға түскен бакалаврлар алғашқы екі жылда Satbayev University кампусында оқитынын білдіреді, бұл студенттерге халықаралық еңбек нарығының талаптарына бейімделген шетелдік білім беру жүйесімен танысуға, ғылыми терминологиясы бар тілдік ортаға енуге сонымен қатар Гонконгта өтетін үшінші және төртінші оқу жылына моральдық және эмоционалдық тұрғыдан дайындалуға мүмкіндік береді.

Осыған ұқсас модель бойынша екі жылдық магистратура бағдарламасының студенттері оқитын болады. Қазақстанда бірінші курс барысында барлық сабақтар ағылшын тілінде өтеді, бұл ретте филиалдың оқытушылар құрамы да ағылшын тілінде сөйлейтіндерден тұрады. Магистрлік жобаны шетелдік оқытушылармен бірлесіп даярлау, серіктестік желінің халықаралық компанияларында практикадан өту және әлемнің 44 елінен CityU-дің 400-ден астам серіктес университетімен, соның ішінде Cambridge, Oxford, BIT, Sciences PО, Айви Лигасы және басқа да көптеген жоғары оқу орындарымен бірлескен зерттеулерге қатысу магистратурада оқудың маңызды бөлігі болады.

Түлектер екі беделді диплом алады: Satbayev University және CityU, олар жоғары бедел мен білім сапасының арқасында диплом иегерлеріне үлкен мүмкіндіктерге жол ашады. Әрбір студенттің Гонконгта CityU серіктестігінің келесі кезеңі ретінде іске қосылатын қосарлы PhD бағдарламасы арқылы жүзеге асатын PhD дәрежесін қос дипломның бір бөлігі ретінде алуға мүмкіндігі бар. Тиісті келісімге 2025 жылдың мамыр айында ашылу салтанаты кезінде қол қойылды.

ТАЛАПКЕРЛЕРГЕ ҚОЙЫЛАТЫН ТАЛАПТАР

Satbayev University базасындағы City University of Hong Kong филиалына оқуға түсу үшін мыналарды ұсыну қажет:

– ҰБТ сертификаты, шекті ұпай – 65-тен 85-ке дейін;

– ағылшын тілін білудің халықаралық сертификаты: TOEFL iBT 90, IELTS 6.5;

– негізгі құжаттар тізбесі: оқуға қабылдау туралы өтініш, куәлік/дипломның түпнұсқасы, жеке куәлік пен төлқұжаттың көшірмесі, 2 дана 3×4 фотосурет, №063 егу картасы және флюрографиясы бар № 075 медициналық анықтама, тіркеу куәлігі (жас жігіттер үшін);

– бар болған жағдайда: мемлекеттік грантты тағайындау туралы куәлік және артықшылық құқықтарды (квоталар) беру туралы растайтын құжаттар.

ГРАНТТАР ЖӘНЕ АҚЫЛЫ ОҚУ ҚҰНЫ

CityUHK филиалында оқу Қазақстан Республикасы Ғылым және жоғары білім министрлігінің грантымен, ал болашақта өз қаражатыңыздың есебінен Satbayev University-ге оқуға түсу арқылы мүмкін болады.

ҚҰЖАТТЫ ҚАБЫЛДАУ КҮНДЕРІ

Құжаттар 2025 жылдың 13 шілдесі мен 30 шілдесі аралығында қабылданады.

ҚАБЫЛДАУ КОМИССИЯСЫНЫҢ БАЙЛАНЫС ТЕЛЕФОНДАРЫ

+7 (700) 219 47 29 сағат 9:00-ден 18:00-ге дейін

+7 (727) 292 73 01

+7 (727) 292 77 79

+7 (727) 292 67 03

+7 (727) 292 57 34

Әр талапкердің Канада, Англия және АҚШ-тың үздік университеттеріне түрлі себептермен оқуға түсуге мүмкіндігі бола бермейді, бірақ нақты ғылымдарды жақсы көретін болсаңыз, Satbayev University-де арманыңыз орындалады.