Жұбанов университетінде Heriot-Watt университетіне оқуға түсу емтиханы өтті. Ғылым және жоғары білім министрілігінің баспасөз қызметіне сілтеме жасап, «Современное образование» журналы хабарлайды.
Жұбанов университеті базасындағы Heriot-Watt Шотландия университетінің филиалына түсуші талапкерлер ағылшын тілін білуге түсу емтиханын тапсырды.
Емтихан басталар алдында Heriot-Watt университетінің өкілдері қатысушыларды қарсы алып, сәттілік тіледі.
Heriot-Watt университетінің Халықаралық факультетінің атқарушы деканы Анна Фендж емтихан тапсырушы үміткерлермен қыркүйек айында университет қабырғасында қайта жүздесетініне сенім білдірді.
Емтихан уақыты бір сағатқа созылды. Ақтөбе және басқа өңірлерден келген 300-ге жуық талапкер емтихан тапсырды.
Бірнеше күн ішінде талапкерлерге нәтижелері көрсетілген сертификаттар электрондық пошталарына жіберілетін болады.
Естеріңізге сала кетейік, аталмыш емтиханнан өтпеген талапкерлер маусым және шілде айларында қайта тегін тапсыра алады.