Әкімдік гранттары: биыл қанша грант бөлінді және қайда хабарласу керек

Жергілікті атқарушы органдар бөлетін мемлекеттік білім беру гранттарын беру конкурсына қатысу үшін өтініштер қабылдау басталды, «Замануи білім беру» журналы Ғылым және жоғары білім министрлігінің баспасөз қызметіне сілтеме жасай отырып хабарлайды. 

Жыл сайын әкімдіктер өңірлер үшін сұранысқа ие және басым бағыттар бойынша кадрларды мақсатты даярлауға гранттар ұсынады. Биыл жергілікті атқарушы органдар оқуға (бакалавриат, магистратура, резидентура бағдарламалары бойынша) 2 392 білім беру грантын бөлді.

Ең көп грантты Астана қаласының әкімдігі – 303 грант, Шымкент қаласы – 285 грант және Шығыс Қазақстан облысы – 270 грант бөлді.

Одан кейінгі орындарда:

• Батыс Қазақстан облысы – 211 грант;

• Абай облысы мен Түркістан облысы – әрқайсысы 200 гранттан;

• Ақмола облысы – 199 грант;

• Қарағанды облысы – 198 грант;

• Атырау облысы – 187 грант;

• Маңғыстау облысы – 163 грант.

Қалған өңірлердің әрқайсысы шамамен 100 гранттан берді.

.